Kennt Ihr euch alle die 2te

[Iri33]

Liäbe ZH

Leider känn ich dä Nordä gar nöd - mis witischtä isch emal Hamburg gsi. Uf jede Fall muess Schwede und vorallem Stockholm sehr schön si - glaub eifach echli tüür. Aber wiä du seisch, mer muess s'Gäld untär d'Lüüt bringä - das isch au mis Motto. I zwei Wuchä gan ich mitäre Kollegin inäs Wellness-Week-end - yeah, freu !

Än schöne
Irene

[Zoe_C]

Hallo - ich nomal...
Myrtha: D'ex-Miss CH Melanie Winiger hätt offebar 22 kg und d'Geraldine Knie 24 kig zuegno i dä Schwangerschaft! Ich bi zwar schlank aber das wär echli arg zvill!!!
Aecht, häsch du au so schlächt gschlafä am Afang? ich han immer gmeint, mä chöni pauselos schlafe und seg müed i dä SS, aber ich schlafe so schlächt, dass es klar isch, woher die Müdigkeit chunnt. Ich bi erscht i dä 8. SSW - und du scho i dä 17.!!! - wow.
Irene: mir händs no gar niemertem gsait...sind no echli vorsichtig und wartet no so ca. 4 Wuche.
Zh: Ich bin emal z'Schwede und au in Stockhom gsi...Stockholm gfallt mir rächt guet und vo döt us chasch Usflüg i die vorglagerte Insle (Schären) unternä. Mit em "Volvo" chasch us dä Stadt usefahre i Wälder/Seelandschaft (schön, allerdings ziemli flach) und Elch han ich kei gseh, will aber nüt heisse!

Grüessli

Zoe

[Zoe_C]

Hallo! Wo sind ihr?

Gnüssed d'Hitz??? ZH fescht am schaffä?

Also en schöne

Zoe

[ZH33]

Waaaaaas schaffe, ide Badi bin i die letschte Tage gsie liebi Zoe...
De Schwedetrip isch jetzt fescht buechet.
Wenn Du seisch es seg schön zSchwede, den freu ich mich na me.
Ich bi mit em Flugzüg nonig mängisch ide Ferie gsie. Sid de KIWU-Sach mach i jetzt regelmässig Ferie im Ussland. Vorher hani nur ganz selte Ferie gmacht. Sgeld hed mi immer greut...Das gsen i jetzt echli anderscht.
Snäschti Jahr evt. Island. Sletschi Jahr bin i England gsi. London het mi total begeischtert. Ich het nie dänkt, das mich e Grossstadt so chan faszinire. Ich ga sicher mal wider det ane.

Liebi Güess a alli ZH34

[Zoe_C]

Hallo ZH
Ja, Schwede isch rächt schön, känne allerdings au nöd alles, isch ja es riesigs land. Vor allem guet isch es, wänn du gern Meeresfrücht häsch, aber das gilt für ganz Skandinavie. Min persönliche Favorit isch Norwege, vor allem dä Weschte mit dä Fjord - es git döt sogar Gletscher! Ich dänke mir gfallts z'Norwege eso guet, will es so bergig isch wie d'Schwiz - und Schwede isch halt eher flach, dafür mit vill See.

Sgäld für Ferie reut mich eigentlich nie - wäg isch wäg Ich wirde nur immer fühler und ha nüme eso Luscht uf 12-20 Schtündigi Reise..darum gang ich jetzt lieber innerhalb von Europa neumets hi.

No e schöne Reschtpfingschte!
Zoe

[Myrtha]

Hei wo sind jetz wieder all????
Ihr wo scho sou vo dr ferieä schwärmet denket doch bitte au a üs dr heimä blibni.Ich gingt au wieder einisch gärä aber dau ich sehr unter Flugangscht liädä lömer das glaubi lieber.
Ich hoffe ihr hend alli das schöüini wetter gnosse und sind jetz vorbereitet ufenes ferregnets wuchenendi
Hoffentli göhrt me vo üch au wieder einisch öbis
es ganz es libs grüssli
Myrtha

[Maggie + Tim]

Hoi z'same,

viele liebe Grüße an Euch alle. Ich hoffe, es geht Euch gut.

Jetzt kann ich lieder nur noch abends posten, es wird also weniger mit den Beiträgen, aber daran muss man sich eben gewöhnen.

Wir haben gerade unseren zweiten ICSI-Versuch hinter uns. Zwei wurden zurückverpflanzt, leider keine für die Kryo, aber vielleicht brauchen wir die ja auch nicht.

SST ist am 4.6., also bitte alle die Daumen drücken!

In den nächsten Tagen komme ich hoffentlich mal dazu, mich hier wieder auf den neuesten Stand zu bringen.

Bis dahin seid alle lieb gegrüsst!

[Zoe_C]

Hallo
Huhu Myrtha, wie gehts wie stehts? Schon länger nix mehr gehört von Dir...
Uiuiui FLugangscht han i zwar au es bizz, aber nöd so schlimm, dass es mich vom Flüge abhalte würd, das wär ja no schöner

Maggie & Tim: Daumen sind gedrückt!!!

Wünsche allne e schöns WE und e chli Sunne

Zoe

[Selina]

Liebe Myrtha,

vielen Dank, dass Du mir in unserem Ordner geschrieben hast. Das ist so lieb von Dir, dass Du an mich denkst. Ich habe auch oft hier in Eurem Ordner reingeschaut, um zu sehen, wie es Dir geht. Aber ich konnte immer nur die Hälfte verstehen *lach*.

Ja, das ist schon ein grosses Wunder, und ich bin sehr glücklich und dankbar. Hätte ich nieeee damit gerechnet!

Zechi war superlieb und hat sich richtig gefreut. Hat auch gesagt, ich soll ihn auf dem Laufenden halten. Und ob ich noch ein Progesteron-Rezept bräuchte... Finde ich echt toll von ihm!!!

Jetzt habe ich halt schon viel Angst, dass noch etwas passiert. Aber Krümelchen war bei 6+6 schon 9 mm gross und Herzchen hat schön geschlagen. Außerdem war der HCG-Wert über 135.000 gestiegen. Also die erste Hürde ist schon mal überwunden. In 2 Wochen ist der nächste US. Bis dahin werde ich schon noch zittern müssen.

Du bist ja schon so weit, 19. Woche oder so???? Dann kommt ja bald die Zeit, wo Du Dein Mäuschen schon spüren kannst. Dann glaube ich nimmt auch die Nervosität etwas ab.

Liebe Grüsse an Dich und ich wünsche Dir nur das allerbeste.
Deine Selina

PS: Liebe Grüsse auch an ZH, der hier im Ordner ja auch zuhause ist.

[Myrtha]

Hoi zämä
Selina danke das du schnell antwortest ich finde es so super das du entlich auch mal Glück haben kannst geniesse es und halte mich bitte auf dem laufenden.

Und wo schtecket al die andere lönt ihr mich ganz ellei????
A mir gauhts sid am sunntig i dr nacht nümme sou gouht,ha wehi überchau und muss jetzt sou blödi Piile schlucke wo zimli dr Puls ufä jagt und pracktisch nur nu liegä.Aber mir wüssed ja für was oder?

allso es libs grüssli
Myrtha