Kennt Ihr euch alle

[Myrtha]

Hoi babs und ZH

hesch ietz hendli öber ereicht bi dim Frauearzt?was isch jezt mit dr bluetgrinnig hoffentli alles wieder im grüne bereich.Mini schwögeri hät au i dr schwangerschaft musä bluetverdünnä wägä trumbosä,isch sicher nüd ahgnem aber nach em Transfer bisch ä sou a schprütze gwend das schoier nüme ani chasch läbä wirsch es gseh.

ZH wo bisch au du jezt wieder,jezt muss i würkli emal schimpfe mit dir du bisch ni umä wemer di söt ha!chum doch zum schluch usä

hä schönä aoubed
Myrtha

[ZH33]

Sali Myrtha und Babs
Da bin i wider. Ich bi leider die letscht Ziet ächli zviel im Internet gsie und han jetzt ächli reduziert, da ich vom KIWU eifach ächli Abstand set nää, suscht gan i na kaputt. Di letscht Ziit isch dadurch eifach zvil Arbet uf mim Betrieb ligeblibe.
Ich hoffe Eu gats guet.

Gruess ZH34

[babs-ueli]

hallöchen zh!!!!

jaaa - z'vill isch mängisch eifach ned guet. aber do gots jo ned i erschter linie um de kiwu - find ich amel.

i mag mängisch au nume churz läse und ned schriibe. vorllaem wüll sich bi mer grad nüt speziells tuet. ich mach eine uf wächseljohr und merke nüt devo.

schriib doch glich emol. mi würd din buure hof scho nochli interessiere..... han die viicher scho no gern.
schrib mer doch emol es e-mail damit ich dir das gedicht vo de chue chan schicke!!!! ok - isch vomene aargauer gschriebe - aber das isch doch ned sooooo schlimm oder?!?

überigens myrtha - ich han es faktor V liide. das würd heisse ab 20. SSW bluetverdünner sprütze. aber zerscht muesch hesch dass'd chasch......

über de wiiter verlauf vo de ganze therapie dörf ich gar ned z'vill studiere. das macht mi närvig.

momentan hani im bruef voll de stress. be imene treuhandbüro und all rännned mer d'hütte ii. wänd alles lieber geschter als hütt.
i muess dene amigs säge: unmöglichs machi sofort, wunder duured echli länger!!!!

d'arbet gfallt mer als solches - aber mit em scheff. sorry - aber er isch eifach mängisch so en chaot.... han em das scho wörtlich gseit.... und er weiss es.. tja - selbsterkenntnis.....

uf all fäll hani morn nomitag frei frei frei und ich freu mi so saumässig!!!!!! schaffe ebe 90 % und das isch scho no lässig.

hey zh - eifach nur no zum froge - isch eue kryo-versuech scho dure? isch es das wo di truurig macht und belaschtet...????

i chan nume säge - wenn euch s'chindli wichtig isch - denn probiereds doch au im usland wo d'erfolgschance höcher sind!!!! wie alt isch denn dini zuckermaus?????

soserle - jetzt gangi z'leid no eis go paffe! wüll ich beschlosse han mis läbe so z'gestalte wie bis anhin....höhöhöööööö und gli gli isch fasnacht!!!!!!!

i wünsch dir myrtha - morn en gueti punktion!

und dir zh - eifach en schöne obig mit vill schöne gedanke!!!!!!

kisses
babs

[Myrtha]

Hoi Zämä

ZH au ich verschtau dich nur alzu gut aber wi babs scho gseit het bi üs isch nüt dr kinderwunsch im vordergrund eifach schusch ä chli plaudere natürli verschtaun ich dich au wegder arbet wo ligä isch blibä und jetz chunt scho schir dr frühlig das heisst numei arbet uf dim betrib.aber bitte blib doch bi üs au wenz a dir nüt ä sou gut gauht sägs doch üs mir losset dir gärä zu,und au mir sind sicher einisch frou wen du üs ä tipp oder äs ufmunders wort gisch.also du gsesch mir lidet schlussendlich au mit dir.

babs hoffentli äsch du hüt ä ganz ä schöüinä nummitag und gnüssnä.mourä isch dä wider schtes agseiht isch glaubi zimli schtarch ufemä trühand büro.du weisch ja mir händ au es gschäft und dä gsesch cho chli trinä.aber nims ganz ruhig d arbet nit dr nimmerd ä wäg.
aber sägnä doch einisch:wen du das moure wetsch musch es geschter bringä.gut gell han ich einisch amene chund gseiht er hät mich füf minute aglugt und nüme gwüsst was ietzt isch.

äs libs grüssli
Myrtha

[babs-ueli]

halli hallo

jo, myrtha, du gsesch - de scheff isch weg und ich schwupps uf em netz!!!!!

i han au zumene chund gseit, unmöglichs machi sofort, wunder duured echli länger.....

i han mega vill z'tue - aber i mache eis ums ander. blöd isch nume, wenn immer s'telefon lüüted und alli öppis wänd.

jetzt muesi no turbomässig en stüürerklärig mache. denn isch scho bald föifi und ich haues ab!

bi eus schiint d'sunne - wär gern nochli diheim bliebe.
gli gli chani weder in garte und uf das freu mi riesig!

gosch au gern verusse echli go ume grüble???
ich liebe das!!!!

i wünsch der en schöne obe!
liebi grüess
babs

[Myrtha]

Hoi zämä
Babs a dir wünsch ich ä schöüinä wuchäschtard und nims ganz locker.
sind dini sache scho parat für am zieschtig?hoffnetli verzelsch ä chli weräd dr behandlig,ich fiebere scho mit dir.
ZH bitte meldi doch wieder einisch und wäns nur ganz kurz isch.
isch bi ü eigetli au ä sou warm gsi mir hend scho zersch mal gsunnälet ich bi ä fölligä sunnä a bäter.
ä schöne sunntigabend und ä ruhige wuchäschtard
Myrtha

[babs-ueli]

hallo myrtha

jo, mini sache hani scho alli parat.
säg emol, wenn hesch du amigs die humegon sprütze gmacht? du hesch doch au die gha oder? und wievill hesch müesse????

i gang am zischtig morge am siebni zum dottore und denn wird das zügs ine gjagt.

be scho echli nervös.

weisch, es nimmt mi schaurig wunder wäge de zyt vom sprütze. wüll d'decapeptyl die machi amigs zobig. spilt das ächt kei rolle?????

merci, wenn du mir gli chasch antworte.

mir sind hütt verusse ghöcklet, händ d'sunne gnosse und händ gwürflet. es isch unentschiede gsi nach 4 mol und mer händ denn nümme wiiter gmacht - somit gits kei verlüürer.

jetz wirds aber grad dunkel!

zh - hesch de traktor gsattlet???? jetzt fangt voll dini saison a!!!!

hebeds guet und bis bald!!!!

und myrtha i drück der au d'düüüme - wenn erfahrsch, obs ghaue het????

liebi grüess
babs

[Myrtha]

Hoi babs
allso wegem schprütze ich ha immer am morgä beidi hinterenant,mir isches am ringschtä ä sou gagä.aber ich wür dä doktär sicherheits halber nu fraugä öb das ä rollä schpielt,glaubi zwar nüt ganz.und ich ha müssä drü ampulle pulver und zwei wasser.ich weis nu nüd wens us chunt ich ha doch mourä am achti erscht dr transfer.das heisst zimli früh ufstah mir fahret öbä am halbisechsi ab.
es libs grüssli
Myrtha

[ZH33]

Sali zäne
De Winter isch na lang nöd verbie. E alti Buureregle seid, jetzt set mä na 50% Heu ha, süscht wirds knapp. Ich jedefall han na gnueg. Die letscht Wuche han i wieder e mal öpis bewegt. Han viil gschaffet und stellet Eu vor, es isch mir psychisch scho lang nüme so guet gange. Sträng schaffe isch mängisch die bescht Medizien. Myrtha, ich han müesse lache über de Maa mit em Aktekoffer...Ich han es chlieses Heftli amigs is Gwünnigsrümli im Sack mitgna...

Gruess ZH34

[Myrtha]

Hoi ZH
das freut mich jetz aber riesig das du dich auwieder einisch meldisch.
und numei freuts mi das dir wieder besser gauht ich hoffe schwer dass das au ä sou blibt.das mitem schtrengä schaffä an ich au schou gmacht und es stimmt würkli mi chunt dr chopf fri über.
und das mit dem heftli isch dä aber nüt mini besseri hälfti gsi,mir hent üs aber scho ä chli komisch aglut,und ich a natürli wieder einisch müssä s lache verchlämä.
es libs grüssli Myrtha
au natürli a dich libi babs
und dänket bitte mourä am achti a mich DANKE